State bank of Pakistan 12

اسٹیٹ بینک نے مہنگائی کے ہدف اور پیش گوئی پر وضاحت جاری کردی

کراچی : اسٹیٹ بینک نے مہنگائی کے ہدف اور پیش گوئی کی وضاحت کرتے ہوئے کہا ہے کہ دیگر ملکوں کی مہنگائی کےاہداف سے موازنہ درست نہیں،اسٹیٹ بینک مہنگائی کاہدف حکومت مقررکرتی ہے ، جو 5 سے7 فیصد ہے۔

تفصیلات کے مطابق اسٹیٹ بینک آف پاکستان نے مہنگائی کے ہدف اور پیش گوئی کی وضاحت کرتے ہوئے کہا ہے کہ ذرائع ابلاغ کے بعض حصوں میں اسٹیٹ بینک آف پاکستان کی مالی سال 22ء میں اوسط مہنگائی کی پیش گوئی 7-9 فیصد کو ’مہنگائی کے ہدف‘ کے طور پر لیا جارہا ہے اور اس کا دیگر ملکوں کے مہنگائی کے اہداف سے موازنہ کیا جارہا ہے، یہ درست نہیں۔

مرکزی بینک کا کہنا تھا کہ اسٹیٹ بینک کی مہنگائی کی پیش گوئی ہمارے رواں مالی سال کے تخمینوں کو ظاہر کرتی ہے، دوسری جانب پاکستان کا مہنگائی کا ہدف حکومت مقرر کرتی ہے اور وہ 5-7 فیصد ہے۔ یہ ہدف وسط مدت میں حاصل کرنا ہے۔

زری پالیسی وسط مدت یعنی اگلے 18-24 مہینوں کے دودران حکومت کے مہنگائی کے ہدف کے حصول سے منسلک ہوتی ہے

اس خبر پر اپنی رائے کا اظہار کریں

اپنا تبصرہ بھیجیں