سعودی عرب میں غیر قانونی طور پر ‘اسقاط’ آپریشن میں مصروف لیڈی ڈاکٹر کو رنگے ہاتھوں گرفتار کر لیا گیا۔
عرب میڈیا کے مطابق طائف شہر میں وزارت صحت کے حکام نے متعلقہ ادارے کے تعاون سے خاتون ڈاکٹر کو گرفتار کیا۔
وزارت صحت کے ترجمان سراج الحمیدان کا کہنا ہے کہ خاتون ڈاکٹر ایک نجی کلینک میں ملازمہ ہے اور ممنوعہ ادویات استعمال کرا رہی تھیں۔
تحقیقات میں یہ بات سامنے آئی ہے کہ مذکورہ ڈاکٹر ڈیڑھ برس سے یہ کام سرانجام دے رہی تھی۔
لیڈی ڈاکٹر اسقاط آپریشن میں مصروف تھی کہ اس دوران حکام نے رنگے ہاتھوں گرفتار کر لیا اور ملزمہ کو پبلک پراسیکیوشن کے حوالے کر دیا گیا ہے۔
