کراچی : ڈاکٹر عطاء الرحمان نے کہا ہے کہ اب تک جو بھی ویکسین بنائی گئی ہے وہ کرونا وائرس کی پرانی قسم کے خلاف ہے۔
ان خیالات کا اظہار کورونا وائرس ٹاسک فورس کے سربراہ ڈاکٹر عطاء الرحمان نے اے آر وائی نیوز کے پروگرام باخبر سویرا سے گفتگو کرتے ہوئے کیا، انہوں نے کہا کہ کرونا وائرس کی نئی قسم جنوبی برطانیہ مین سب سے پہلے رپورٹ ہوئی۔
ڈاکٹر عطاء الرحمان نے کہا کہ کرونا وائرس کی نئی قسم کا پہلا کیس ستمبر میں رپورٹ ہوا اور کرونا کی یہ نئی قسم پہلے سے زیادہ تیزی سے پھیل رہی ہے۔
انہوں نے مزید کہا کہ اب تک جو بھی ویکسین بنائی گئی ہے وہ کرونا وائرس کی پرانی قسم کے خلاف ہے، ویکسین کا نئی کرونا قسم پر کیا اثر ہوتا ہے ہے، کچھ کہا نہیں جاسکتا۔
