اسلام آباد : وزیر خارجہ شاہ محمود قریشی نے اماراتی وزیر خارجہ عبداللہ بن زید سے ملاقات میں یو اے ای میں موجود 16 لاکھ پاکستانیوں کی فلاح و بہبود سے متعلق بات چیت کی۔
تفصیلات کے مطابق پاکستان تحریک انصاف کے مرکزی رہنما و وفاقی وزیر خارجہ شاہ محمود قریشی نے متحدہ عرب امارات کے وزیر خارجہ عبداللہ بن زید سے ملاقات کی ہے۔
وزیر خارجہ کا کہنا ہے کہ ملاقات میں مقبوضہ کشمیر کے حالات زیر غور آئے جبکہ جنوبی ایشیا کی صورتحال پر اور افغان امن عم پر بھی تبادلہ خیال کیا گیا۔
شاہ محمود قریشی نے کہا کہ ملاقات کے دوران جنوبی ایشیا کی صورتحال اور افغان امن عمل پر بھی تبادلہ خیال کیا گیا جب کہ متحدہ عرب امارات میں موجود 16 لاکھ پاکستانیوں کی فلاح و بہبود سے متعلق امور پر گفتگو ہوئی۔
وزیر خارجہ شاہ محمود قریشی کا مزید کہنا تھا کہ پاکستان کو کرونا وائرس کی مہلک ترین وبا کے دوران متحدہ عرب امارات کے تعاون کو سراہتا ہے۔
