لندن: برطانیہ میں احمق ٹک ٹاکر نے سیکڑوں افراد کی زندگیاں خطرے میں ڈال دیں، خوش قسمتی سے کوئی حادثہ پیش نہ آیا اور شہریوں کی جانیں بچ گئیں۔
غیرملکی خبررساں ادارے کی رپورٹ کے مطابق یہ دل دہلا دینے والا واقعہ برطانیہ کے علاقے بروملی میں پیش آیا جہاں ایک ٹک ٹاکر نے تصویر اور ویڈیو شوٹ کرنے کے لیے ریل کی پٹری پر گاڑی کھڑی کردی خوش آئند بات یہ ہے کہ اس موقع پر ٹرین ٹریک پر نہیں آئی بصورت دیگر جانی نقصانات ہوسکتے تھے۔
رپورٹ کے مطابق ریلوے انتظامیہ نے سوشل میڈیا پر وائرل ویڈیو اور تصویر کی تصدیق کرتے ہوئے ٹاک ٹاکر کے اس بھیانک اقدام کی شدید مذمت کی اور قانونی کارروائی کا بھی آغاز کردیا۔
تصویر میں ریلوے ٹریک پر کار اور ٹرائی پوڈ دیکھا جاسکتا ہے۔ ٹاک ٹاکر نے ڈھٹائی کا مظاہرہ کرتے ہوئے سوشل میڈیا پر لکھا کہ ‘کیا کوئی اس طرح تصاویر بنانے کے لیے میری طرح رسک لے سکتا ہے؟ ایسا کوئی نہیں کرے گا’۔
ریلوے انتظامیہ نے برطانوی ٹرانسپورٹ پولیس کی مدد سے ٹک ٹاکر کی تلاش اور اس کے خلاف کارروائی کے لیے تحقیقات کا آغاز کردیا ہے ممکنہ طور پر احمق شہری پر بھاری جرمانہ اور جیل کی سزا بھی ہوسکتی ہے۔
