لاکھوں کی ہیروئن تلاش کرنے پر کتا پولیس افسر بن گیا

کین یون کی عمر 18 ماہ ہے اور اس نے اپنے مالک کے باغ سے بلیک ٹار ہیروئن دریافت کی جس کی قیمت 85 ہزار ڈالر یعنی 85 لاکھ روپے ہے۔ اس دریافت پر اہلِ خانہ پہلے یہ سمجھے کہ یہ ٹائم کیپسول جیسی کوئی شے ہے جسے کسی نے باغ میں دفنایا تھا لیکن اصل میں وہ ہیروئن نکلی جسے کسی نے چھپا رکھا تھا۔اس اہم دریافت پر مقامی پولیس نے کتے کو اعزازی طور پر کے نائن افسر بنا دیا ہے۔ واضح رہے کہ امریکی پولیس میں کئی کتے اہم ذمے داریاں ادا کر رہے ہیں اور انہیں کے نائن (K 9) افسر کا نام دیا جاتا ہے۔کین یون کے مالک نے اپنا نام نہ ظاہر کرتے ہوئے بتایا کہ جب کتے نے عجیب وغریب شے دریافت کی تو اس پر کسی ٹائم کیپسول کا گمان ہوا لیکن جب اسے کھولا گیا تو اندر سے سیاہ رنگت کی ہیروئن دریافت ہوئی جو خام ہیروئن ہوتی ہے۔