راولپنڈی توہین عدالت کے مرتکب حکومت وقت کے سینیٹر نہال ہاشمی جیل کی پہلی ہی رات دل کے عارضے میں مبتلا ہو گئے ۔
جیل انتظامیہ نے نہال ہاشمی کی شکایت پر ہارٹ سپیشلسٹ سے ان کا چیک اپ کرایا اور بعد ازاں انہیں جیل کے ہسپتال میں داخل کر لیا گیا ۔
نہال ہاشمی نے تین ماہ قبل دل میں تین سٹنٹ ڈلوائے تھے ۔
ادھر نہال ہاشمی کی تیماداری کا سلسلہ بھی جاری ہے ۔
سینیٹر چودھری تنویر جیل کے اسپتال پہنچے اور ایک گھنٹے تک نہال ہاشمی کی عیادت کی ۔
نہال ہاشمی کے تمام ٹیسٹ مکمل کر لیے گئے ہیں ۔ ڈاکٹرز نے انہیں دو ہفتے مکمل بیڈ ریسٹ کی ہدایت دی ہے ۔
نہال ہاشمی کو گزشتہ روز توہین عدالت کیس میں سزا پانے پر گرفتار کیا گیا تھا ۔ عدالت عظمیٰ نے انہیں ایک ماہ قید پچاس ہزار روپے جرمانہ اور پانچ سال نا اہلی کی سزا سنائی تھی ۔
124