لہور(پنجابی میڈیا)سابق وزیر اعلی پنجاب چودھری پرویز الہی نے آکھیا اے کہ ججاں دی آڈیو مریم نوازدی سرپرستی وچ چلن والے میڈیا سیل نے لیک کیتی، پہلاں نواز شریف نے غنڈیاںذریعے عدلیہ اُتے حملہ کیتا ہُن اوس دی بیٹی حملہ کر رہی اے۔سابق وزیر اعلی پنجاب چودھری پرویز الہی نال سپیکر پنجاب اسمبلی سبطین خان، راجہ بشارت تے ساجد بھٹی نے ملاقات کیتی، ڈاکٹر زین بھٹی، کرنل (ر)شبیر، بشیر اے طاہر تے پرویز شاہد وی ملاقات کرن والیاں وچ شامل سن۔ملاقات وچ چودھری پرویز الہی نے آکھیا کہ مسلم لیگ (ن)مریم نواز دی قیادت وچ اک وار عدلیہ اُتے حملہ آور اے، مریم نواز اپنے والد ونگوںاگے ودھ رہی اے، نواز شریف نے سپریم کورٹ اُتے براہ راست حملہ کیتا، ہُن معزز ججاںدے فون ٹیپ کیتے جا رہے نیں۔اوہناں نے آکھیا کہ(ن)لیگ دا آڈیو ڈرامہ بری طرح فلاپ ہوچکیا اے ، کجھ نوا سوچن، رانا ثنا اللہ حکومتی وسائل عدلیہ دے خلاف استعمال کر رہے نیں، پنجاب دے الیکشن لیٹ کرن والے قنونی نتائج بھگتن لئی تیار رہن۔چودھری پرویز الہی دا ہور کہنا سی کہ اک ویلا آئے گا پی ڈی ایم دیاں13 جماعتاں کول صرف 13 ووٹ ہون گے، الیکشن توں نٹھن والے ہُن پاکستان توں وی نٹھن گے، غربت، مہنگائی تے بے روزگاری دی ماری عوام اپنا غصہ الیکشن وچ اتارے گی۔
197
