لہور(پنجابی میڈیا)چیف آرگنائزروسینئر نائب صدر پاکستان مسلم لیگ ن مریم نواز نے اکھیا اے کہ ملک تے عوام دے مسائل حل کرن دی اپنی تریخ فیر دہراواں گے۔ذرائع مطابق ماڈل ٹائون لہور پارٹی سیکرٹیریٹ وچ مریم نواز نال سابق اراکان پنجاب اسمبلی نے ملاقات کیتی، ملاقات وچ صدر مسلم لیگ ن لہور سیف الملوک کھوکھر، جنرل سیکرٹری پی ایم ایل این لہور خواجہ عمران نذیر تے خواتین ونگ لہور دی صدر سعدیہ تیمور، پرویز رشید تے ہور موجود سن ، ملاقات وچ پارٹی دی تنظیم سازی تے مستقبل دی سیاسی حکمت عملی دے امور زیر غور آئے، اجلاس وچ سوشل میڈیا،یوتھ ونگز نوں یونین کونسل دی سطح تک منظم کرن دی حکمت عملی اُتے مشاورت کیتی گئی جدکہ آئندہ الیکشن دی تیاری، مسائل دی نشاندہی تے اوہناں دے چھیتی توں چھیتی حل دی حکمت عملی وی مرتب کیتی گئی ۔ مریم نواز داکہنا سی کہ ہردبا دا مقابلہ کردیاں ہویاں پارٹی پرچم تھامے رکھن والے رہنما تے کارکن ساڈے سر دا تاج نیں،ملک تے عوام دے مسائل حل کرن دی اپنی تریخ فیر دہراواں گے۔
210
