پاکستان کرکٹ ٹیم کے فاسٹ بولر حسن علی نے آل راؤنڈر شاداب خان کو منفرد انداز میں شادی کی مبارکباد دی ہے۔
شاداب کا نکاح گزشتہ ماہ ثقلین مشتاق کی بیٹی سے ہوا تھا جس کے بعد گزشتہ شب کرکٹر بارات لے کر اپنی دلہنیا لینے پہنچے تھے۔
آج شاداب خان کا ولیمہ ہے جس میں ساتھی کرکٹرز آصف علی، حسن علی، نسیم شاہ، فخر زمان سمیت کپتان بابر اعظم نے شرکت کی۔
ولیمے میں شاداب خان کے دوست کرکٹر حسن علی نے فیملی کے ہمراہ شرکت کی۔ حسن علی نے ٹوئٹر پر شاداب کو گلے لگاتے اور پیشانی پر بوسہ دیتے ہوئے تصاویر پوسٹ کیں اور لکھا کہ ’میرے یار شاداب کی شادی ہے‘۔
