Gunman 22

پشاور میں نامعلوم مسلح افراد کی فائرنگ سے اے ایس آئی شہید

پشاور : خیبر پختونخواہ کے دارلحکومت پشاور میں نامعلوم مسلح افراد نے فائرنگ کرکے اے ایس آئی کو شہید کردیا ، پولیس نے جائے وقوعہ سے شواہد اکٹھے کرکے ملزموں کی تلاش شروع کردی ہے۔

تفصیلات کے مطابق پشاور کے علاقہ وی او تھانخ خزانہ کی حدود میں نامعلوم مسلح موٹر سائیکل سواروں نے چلتی گاڑی پر فائرنگ کرکے اے ایس آئی امجد کو شہید کردیا۔

پولیس کا کہنا ہے کہ اے ایس آئی امجد شبقدر سے ڈیوٹی کیلئے پشاور آرہا تھا کہ مسلح افراد نے ان کی گاڑی پر فائر کھول دیا۔

پولیس نے جائے وقوعہ سے شواہد اکٹھے کرکے ملزموں کی تلاش شروع کردی اور لاش کو ضابطے کی کارروائی کے لیے اسپتال منتقل کردیا گیا ہے۔

یاد رہے دو روز قبل کراچی میں سپرہائی وے کے قریب فلیٹ میں فائرنگ کے نتیجے میں اےایس آئی جاں بحق ہوگیا تھا ، پولیس نے دوسری بیوی اورسوتیلا بیٹے کے قتل میں ملوث ہونے کا شبہ ظاہر کیا تھا۔

خیال رہے پشاور میں سینٹرل جیل کے سامنے نامعلوم افراد کی فائرنگ سے سی ٹی ڈی انسپکٹر خوشدل شہید ہوگئے جبکہ ان کا گین مین زخمی ہوگیا۔

اس خبر پر اپنی رائے کا اظہار کریں

اپنا تبصرہ بھیجیں